Ky është Tetori me ngjyrë rozë, muaji i ndërgjegjësimit ndaj kancerit të gjirit
Në Neptun ne shikojmë me përgjegjësi shumë çështje sociale, dhe ndiejmë se është detyrë për ne si një nga kompanitë më të mëdha në vend që jo vetëm t’i sjellim në vëmendje ato por edhe të ofrojmë ndihmën dhe mbështetjen tonë.
Muaji Tetor është muaji i ndërgjegjësimit ndaj kancerit të gjirit dhe ne kuadër të këtij muaji të rëndësishëm për shëndetin e grave, në NEPTUN kemi vendosur qe të shoqërojmë blerjen e një kategorie të veçantë produktesh me një kupon me anë të të cilit ata mund të përfitojnë mamografi falas pranë Qëndrës së Gjirit në Spitalin Amerikan.
Në këtë mënyrë, në këtë muaj me ngjyrë rozë, duam t’i shtojmë edhe ne zërin tonë, thirrjes ndaj të gjitha grave për të marrë pak kohë për të bërë kontrollin e gjirit. Diagnostikimi i hershëm i kancerit të gjirit ka dëshmuar se është mënyra më e mirë për të fituar betejën me këtë sëmundje.
Mos harro! Mamografia shpëton jetë…