Muaji i Ndërgjegjësimit mbi Sigurinë Kibernetike

Tetori është Muaji i Ndërgjegjësimit mbi Sigurinë Kibernetike (CSAM). Çdo vit në Tetor zhvillohet një fushatë për të rritur ndërgjegjësimin dhe për tu siguruar se secili prej nesh zotëron burimet e nevojshme për të qenë më i sigurtë dhe i mbrojtur online. Muaji i Ndërgjegjësimit mbi Sigurinë Kibernetike e ka origjinën në vitin 2004, themeluar nga Departamenti Amerikan i Shtetit për Sigurinë Kombëtare. Në ditët e sotme, interneti prek gati çdo aspekt të përditshmërisë sonë. Kur secili prej nesh ndërmerr hapa për të siguruar pajisjet dhe informacionet në to të lidhura me internetin, të gjithë ne përfitojmë.

Ndalo. Mendo. Lidhu. Qëndro i sigurtë online.

Kur jemi duke përdorur një laptop apo çdo pajisje tjetër të lidhur me internetin, kini parasysh pikat më poshtë:

• Pavarësisht se sa të shpejtë jeni ju apo gishtat tuaj në tastierë apo në butonat e telefonit, vegla më efektive qe keni për të shmangur rrezikun është truri juaj.

• Ndaloni dhe mendoni përpara se të publikoni, ndani apo dërgoni materiale online. Jeni të bindur për web faqen në të cilën po lundroni? Si do të ndiheshit nëse të dhënat tuaja do të përfundonin diku tjetër, në një destinacion ku ju s’do të donit të përfundonte?

• Cilat web faqe janë të sigurta për t’u aksesuar dhe çfarë lloji të dhënash janë të pranueshme dhe shumë, po shumë e rëndësishme – çfarë lloji të dhënash janë të papranueshme të shpërndahen online?

• Ndërkohë që interneti ju lejon të qëndroni të lidhur, të informuar dhe të angazhuar me familjarët dhe miqtë tuaj, çdo mjedis publik kërkon ndërgjegjësim dhe kujdes në bazë të rrethanave. Siç ne përdorim dyer të mbyllura me çelës për të mbajtur larg nga shtëpitë tona keqbërësit, pikërisht në të njëjtën mënyrë duhet të veprojmë për të mbrojtur dhe siguruar kompjuterin apo çdo pajisje tjetër të lidhur me internetin.

• Meqënëse teknologjia ecën me hapin e kohës, edhe teknikat e piratëve kibernetike sa vijnë edhe sofistikohen edhe me shumë, kjo në mënyrë që të aksesojnë të dhënat tuaja.

#BeCyberSmart dhe #CyberAware. Mos harro! Ju mund të mos ta konsideroni veten si shënjestër, por të gjithë ne zotërojmë të dhëna të vlefshme të cilat janë shumë të vyera për piratët kibernetikë. Të dhëna si; të dhëna punonjësish, të dhëna klientësh, llogari bankare, akses në financa dhe gjithashtu ju mund të jeni një pikë hyrëse drejt një rrjeti shumë më madh kompjuterash personalë apo rrezikoni të infektoni pajisjet e kompanisë ku punoni.