6 arsye për të blerë një fshesë me avull

Fshesat me avull pastrojnë dhe dizinfektojnë duke shfrytëzuar fuqinë e avullit. Kjo do të thotë që edhe bakteret dhe grimcat më të vogla të pluhurit eleminohen pa nevojën e detergjentëve të ndryshëm që kanë përbërje kimike.

Por le të shohim më në detaje arsyet se pse ia vlen të investosh në një fshesë me avull.

1- Pastron pa përdorur produkte kimike

Fuqia e avullit është kaq efektive sepse depërton edhe në poret më të vogla. Higjenizimi i shtëpisë tuaj do të jetë i plotë dhe në respekt të plotë të mjedisit. Edhe ju do të preferonit qe të gatuanit në një sipërfaqe të larë me avull sesa në një të larë me detergjent. Kështu ju, jo vetëm do të eleminoni mbetjet kimike në shtëpinë tuaj duke siguruar një mjedis më të pastër (kryesisht nëse keni fëmijë të vegjël apo kafshë shtëpiake), por në të njëjtën kohë do të reduktoni sasinë e kimikateve që lëshohen në ambjentin ku jetoni.

2-  Një nivel tërësisht tjetër pastrimi

Fshesat me avull mund të përdoren në mënyrë shumë efektive në sipërfaqet e forta, në objekte të vogla, në dysheme dhe praktikisht në të gjitha llojet e sipërfaqeve. Pjesë e pajisjes janë edhe aksesorë shtesë që ju lejojnë të pastroni dritaret, cepat, furrat si dhe për të eleminuar rrudhat nga rrobat e perdet. Ju mund të përdorni avullin edhe për pastrimin e banjës, e kuzhinës pa përdorur sfungjerë dhe detergjentë. Do të zbuloni se me një fshesë me avull do të mund të pastroni edhe gjëra që i kishit evituar për një kohë të gjatë!

3-  Do të shpenzoni më pak në produkte pastrimi

Pse duhet të mbani aq shumë produkte pastrimi në dollap? Të gjithë ju keni detergjentë të veçantë për dyshemenë, parketin, xhamat, banjën. Fshesa me avull do ti zëvendësojë të gjitha këto dhe ju nuk do të keni më nevojë për të shpenzuar para për t’i blerë. Përveç kësaj ju do të mund të kurseni edhe hapsirën dhe kohën pasi fshesa me avull do t’ju mundësojë të pastroni shumë më shpejtë se me mjetet e zakonshme. 

4-  Rezultati është pastrim i thellë dhe higjenizim

Fshesa me avull është një pajisje ideale pastrimi sidomos nëse në shtëpi ka fëmijë apo kafshë. Bakteret, viruset dhe alergjenët e tjerë mund të mos jenë të dallueshëm me sy por janë shkaku kryesor i alergjive dhe infeksioneve të ndryshme.  Efekti pastrues i avullit është aq i fortë sa mund të eleminojë edhe papastërtitë më të forta. Avulli depërton edhe në vendet ku dora nuk arrin duke neutralizuar papastërtitë dhe mikroorganizmat në mënyrë të shpejtë dhe efiçente.  

5- Pastrimi i ajrit nga alergjenët

Një kategori e rëndësishme që shkakton ndotje është edhe ajo e grimcave të pluhurit, shkaku i radhës pas poleneve që shkakton alergji. Disa reaksione alergjike shkojnë deri në azëm që është një gjëndje kronike që haset shpesh tek fëmijët. Megjithatë studimet tregojnë se eleminimi i alergjenëve në fëmijërinë e hershme mund të parandalojë azmën. Fshesa me avull është një zgjidhje shumë e mirë për të patur një atmosferë të pastër në shtëpi duke i eleminuar këto grimca nga dyshekët, jastëkët dhe tapiceritë e ndryshme.  

6-  Dhoma e fëmijëve dhe lodrat

Në dhomën e fëmijëve ju mund të disinfektoni perdet, dyshekun, krevatin e fëmijëve dhe parketin. Lodrat janë plot me mikrobe pasi fëmijët kalojnë shumë kohë me to dhe kalimi nga një dorë në tjetrën krijon kushtet për të shpërndarë këto baktere. Ju mund të përdorni fshesën me avull për ti higjenizuar lodrat e fëmijëve të paktën një herë në muaj. 

Pyetje që mund të lindin për fshesën me avull

Si punon?

Fshesa me avull punon me korent dhe përdor ujin për të prodhuar avullin. Uji i vendosur ne ngrohesin e brendshëm nxehet deri në temperaturën e vlimit dhe çliron avullin. Presioni i avullit mund të ndryshojë nga një fshesë në tjetrën por sa më i lartë ky presion aq më efiçente do te jetë shpërbërja dhe largimi i të gjitha papastërtive, yndyrnave, detergjentëve si dhe e grimcave që nuk janë në sipërfaqe. Përfitim shtesë është edhe temperatura e lartë e avullit që vret bakteret dhe patogjenët e tjerë mikroskopikë. Rezultati është një sipërfaqe e higjenizuar pa aroma të këqija.  

Po lagështira?

Ka shumë pak lëgështirë ne avullin që çlirohet që do të thotë që sapo kalon avulli, sipërfaqja mbetet e thatë pothuaj menjëherë. 

Fshesa me avull duket si një sistem paksa i ndërlikuar. A është e lehtë për tu përdorur.

Mënyra e funksionimit është kaq e thjeshtë sa me të kuptuar informacionin bazik ju do të mund ta përdorni ashtu sic bëni me fshesën me korent. Praktikisht është shumë e thjeshtë: Ju duhet të mbushni kontenitorin e ujit me ujë e më pas me shtypjen e një butoni, uji do të kompresohet dhe nxehet deri sa të arrijë temperaturën e duhur për të prodhuar avull “të pastër dhe të thatë”. Ky proces mund të kërkojë vetëm disa sekonda apo deri në 12 minuta (varet nga modeli). Ndërkohë ju mund të zgjidhni akesorin e duhur dhe ta bëni gati për pastrim. Në momentin që është gati mjafton të shtypni butonin e avullit dhe të filloni të pastroni.

Pjesa më e madhe e modeleve të fshesave me avull kanë aksesorë të ndryshëm për të ofruar më shumë ndihmë për cepa të vështirë, për pastrimin e thellë të pllakave dhe vijave ndarëse mes tyre, rubineta, aspiratorë, furra por edhe për sifpërfaqe më të mëdha.

 Sa fleksibël është një fshesë me avull?

Fshesa juaj me avull ju siguron një shtëpi përsosmërisht të pastër pa përdorimin e detergjenëtve dhe kimikateve. Pastro dhe disinfekto në pak minuta me fuqinë e avullit  pllakat, parketet e drurit, dysheme laminat, furrat dhe sobat, dritaret, pasqyrat, tapetet, grilat e pjekjes, lavamanët, vaskat, pllakat e dushit, VC dhe bide, frigoriferët, lodrat e fëmijëve, lodrat e pellushit, grilat e dritareve, rrotat e makinave, kaloriferët, pjesën e brendshme të makinës, jastëkët dhe shumë të tjera.

Kujdes! Mos e përdorni fshesën me avull në produkte letre apo në dysheme druri që nuk janë të izoluara mirë.

Siguria vjen e para

Sic kemi përmendur edhe më sipër, të përdorësh një fshesë me avull nuk është e vështirë por duhet të mbajmë në mendje disa masa për sigurinë dhe përdorimin e saktë para se ta vendosim në punë. Avulli i nxehtë që çlirohet mund të shkaktojë dëme tek objekte dhe dëmtime tek njerëzit. Në varësi të modelit që doni të blini, avulli që prodhohet nga nxehja e ujit mund të arrijë temperature nga 115-300 grade celcius. Prandaj është e rëndësishme që mos ta drejtoni avullin direkt tek njerëzit, kafshët apo bimët. 

Edhe nëse do keni ndonje dyshim para se ta përdorni në një lloj të caktuar cope do të rekmondohej qe ta përdornit fillimisht në një pjesë të vogël për provë. Kujdes i veçantë duhet të tregohet edhe për mbushjen e pajisjes me ujë. Kontenitori nuk duhet të tejmbushet me ujë por ai duhet të hidhet ngadalë e me kujdes. Evitoni këtë proces kur fshesa është në prizë për të evituar shkarkime të mundshme korenti. 

Asnjëherë mos e përdorni fshesën me avull në pajisje elektrike dhe e fundit mos hidhni kurrë në enën e ujit detergjentë, parfume apo kimikate të tjera.

Ne ju rekomandojmë fshesën me avull të Roëentas. Mbledh mbeturinat dhe dizinfekton me një pajisje të vetme. Hajde dhe mere brenda muajit Shtator dhe e përfiton me 25% Ulje.

Kliko në imazhin më poshtë për të porositur fshesën tënde.