REGULLORE E LOJËS SË FATIT PROMOCIONALE

“Hajde në UEFA Euro2024”

Sipas kërkesave të Ligjit nr. 155/2015 “Për Lojrat e Fatit në Republikën e Shqipërisë”, i ndryshuar dhe Vendimit të Këshillit të Ministrave Nr. 196/2017 “Për Përcaktimin e Mënyrave, Formave, Kritereve dhe Rregullave për Organizimin e Lojërave të Fatit Promocionale”

Neni 1

ORGANIZATORI I LOJËS PROMOCIONALE

• 1.Organizatori i Lojës Promocionale “Hajde në UEFA Euro2024” “është: Shoqëria “Neptun” sh.p.k (referuar këtu më poshtë si “Neptun”), person juridik shqiptar, regjistruar me NIPT K12222001B, me seli ne adresën: Selia Brunes Space, Rruga Nacionale Tiranë-Elbasan, Përballë Qendrës Tregtare TEG, Lundër, Shqiperi , rregullisht i përfaqësuar në këtë lojë promocionale nga nga Znj. Anjeza Shkëmbi, si person i Autorizuar. Neptun është i regjistruar si subjekt tatimpagues në Drejtorinë Rajonale Tatimore ne Tiranë.
• 2. Me anë të kësaj Loje Promocionale, Neptun ka për qëllim të promovojë produktet në të gjithë rrjetin e dyqaneve dhe në kanalet online për të gjithë klientët dhe në të gjithë territorin e Republikës së Shqipërisë.

Neni 2

AFATI

• 1.Loja Promocionale do të zhvillohet në një periudhë kohore prej rreth 3 (tre) muajsh kalendarike. Loja promocionale do të fillojë në datë 01.03.2024dhe do të përfundojë në datën 31.05.2024.
• 2. Në një datë të caktuar pas perfundimit te periudhes se lojës, datë e cila do të komunikohet në të gjitha format e komunikimit media, rrjete sociale të Shoqërisë dhe format e tjera të komunikimi që Neptun ka me Klientin, do të hidhet shorteu për përzgjedhjen e fituesve mujore të lojës.
• 3. Gjatë muajit Qershor në një datë të caktuar e cila do të komunikohet sipas komunikimeve të parashikuara në pikën 2 të këtij Neni, do të hidhet shorteu për përzgjedhjen e fituesve mujor dhe fituesit te çmimit te madh të lojës.

Neni 3

MEKANIZMI I LOJËS PROMOCIONALE

• 1. Neptun ka në treg një gamë të gjerë produktesh në të gjithë rrjetin e dyqaneve që shtrihet në të gjithë qytetet e vendit.
• 2. Klientët e Neptun që dëshirojnë të marrin pjesë në këtë Lojë Promocionale duhet të ndjekin hapat e mëposhtme:
  a)a) Së pari, të bëjnë të paktën një blerje në një nga dyqanet Neptun me vlerë 1,000 ALL me TVSH ose me vlere me te larte.
• 3.Klientët Neptun që dëshirojnë të marrin pjesë në këtë Lojë Promocionale duhet të kenë Faturën ku gjendet kod promocional i printuar kasa gjate blerjes ne periudhen promocionale. Kodi promocional i gjeneruar me faturën duhet të dërgohet me mesazh në numrin e shkurtër 53030. Ky numër ofrohet nga operatorët One dhe Vodafone Albania.
• 4. Çdo mesazh i derguar në numrin e shkurtër 53030 do te tarifohet 99 Lek (TVSH e përfshirë) ose 82.5 Lek (TVSH nuk përfshihet).
• 5. Do të konsiderohet pjesëmarrës në shorteun mujor, të gjithë ato klientë të cilët kanë dërguar një SMS me numrin e faturës së blerjes së atij muaji dhe kodin e shkurtër unik I cili është gjeneruar bashkë me faturë, në këtë periudhë kohore.Sistemi elektronik konfirmon me SMS pjesemarrjen ne shorte
• 6. Do të konsiderohet pjesëmarrës në shorteun për çmimin e madh, të gjithë ata klientë të cilët kanë dërguar nje SMS me kodin promocional qe gjendet ne fatures se blerjes ne kete periudhe kohore 3 (tre) mujore.
• 7. Në momentin që mbyllet Loja Promocionale, automatikisht do të gjenerohet lista e të gjithë numrave celularë pjesëmarrëse në shorte se bashku me numrin e fatures dhe kodin unik.
• 8. Lista e numrave celularë pjesëmarrës në shorte do të ngarkohet në zgjidhjen softwarike të krijuar nga Neptun që mundëson përzgjedhjen dhe renditjen në mënyrë rastësore të numrave celularë të cilët do të shpallen fitues. Sa më shumë SMS me fatura/kode unike aq më e lartë është mundësia për të fituar.
• 9. Për cdo numër celulari të përzgjedhur, fitues do të konsiderohet personi i cili ka dërguar kodin unik te gjendur ne fature si edhe ka ruajtur fizikisht faturën origjinale te blerjes nga Neptun dhe mund ta provojë duke e paraqitur atë së pari me foto kur dërgohet komunikimi se rezulton fitues si dhe ditën e tërheqjes së çmimit.
• 10. Fituesi për të tërhequr çmimin, duhet të paraqitet në zyrat qëndrore te Neptun i pajisur ditën e caktuar dhe reklamuar, me mjet identifikimi dhe me numrin celular fitues nepermjet te cilit ka marre pjese ne loje, si edhe me faturën e kerkuar sipas kesaj rregulloreje.
• 11. Shorteu dhe shpallja e numrave fitues do të zhvillohet në praninë e një përfaqësuesi të Njësisë së Mbikëqyrjes së Lojrave të Fatit pranë Ministrisë së Financave dhe përfaqësuesve të Degës Rajonale të Njesise se Tatimpaguesve Tiranë të cilët do të njoftohen nga Neptun 20 (njëzet) ditë përpara sipas kërkesave të VKM Nr.196/2017 si edhe në prani të Komisionit te Lojës së Fatit Promocionale të ngritur me ketë rast nga ana e Neptun Albania sh.p.k.
• 12. Shorteu dhe shpallja e numrave fitues do të bëhet pranë zyrave qëndrore të Neptun sh.p.k me vendndodhje në : Selia Brunes Space, Rruga Nacionale Tiranë-Elbasan, Përballë Qendrës Tregtare TEG, Lundër, Tirane, Albania.
• 13. Numri i Klienteve Neptun që parashikohet të marrin pjesë në këtë Lojë Promocionale, mund të jetë rreth 30.000 (tridhjetëdhjetë mijë).

Neni 4

PJESËMARRJA

• 1. Pjesëmarrës në këtë Lojë Fati Promocionale kanë të drejtë të jenë:

• • Të gjithë klientët Neptun të cilët kryejnë blerje pranë pikave të shitjes Neptun me vlerë minimale 1,000 ALL me TVSH, ose me vlere me te larte. Per te gjithe klientet qe blejne produkte me kete vlere ose me shume do te gjejne ne fature kodin promocional i cili duhet derguar me SMS ne numrin e shkurter 53030

• 2. Fatura e vlefshme për shortin promocional do të identifikohet nga një kod unik dhe një mesazh promocional.
• 3. Faturat e vlefshme duhet të kenë brenda periudhës kohore për të cilin hidhet shorteu
• 4. Faturat që nuk janë te vlefshme për pjesëmarrje nuk kanë kodin unik dhe nuk mund të konsiderohen si pjesëmarrëse për çmime
• 5. Kanë mundësi të përfitojnë çmimet të gjithë klientët që kanë dërguar me SMS në numrin e shkurtër 53030 kodin unik të asaj fature që I përket asaj periudhe promocionale.
• 6. Të gjithë pjesëmarrësit kanë mundësinë të kontrollojnë fituesit ne web faqen e Neptun www.neptun.al ku do të publikohet kjo rregullore dhe informacion I përditësuar.
• 7. Të gjithë pjesëmarrësit kanë mundësinë të marrin informacion në çdo dyqan Neptun si edhe në numrin e telefonit +35544505050.
• 8. Pjesëmarrësit në Lojën Promocionale duhet të jenë mbi 18 vjeç. Nëse numri i përzgjedhur është në përdorim të një të mituri (nën 18 vjec) atëherë cmimi do të tërhiqet prej prindit/kujdestarit ligjor. Neptun nuk do të promovojë pjesëmarrjen e personave të mitur.
• 9.Nuk mund të marrin pjesë në këtë Lojë Fati Promocionale:
  - Stafi i lidhur ngushtësisht me Neptun SHPK
  - Klientët të cilët kryejnë blerje më pak se 1,000 ALL
  - Klientët të cilët kryejnë blerje të produkteve të markave të listuara në këtë rregullore.

Neni 5

TERRITORI

• 1. Loja promocionale “Hajde ne Euro 2024” do të zhvillohet në territorin e Republikës së Shqipërisë

Neni 6

ÇMIMET

• 1. Në përfundim të kohëzgjatjes së Lojës Promocionale, në datën e hedhjes së shortit final, i cili do të komunikohet me të gjitha format e komunikimit Klientit, do të shpallen në total 12 (dymbedhjete) fitues çift ose 24 (njezet e kater) fitues të cilët do të kenë mundësinë të përfitojne një nga cmimet si mëposhtë vijojnë:
  
  Çmimet mujore:
  
  (12 çmime, çift / 24 paketa turistike)
  •Pakete Turistike qe perfshin: (Bileten e Avionit, Akomodimin ne Hotel si edhe Bileten per nje ndeshje Futbolli ne UEFA Euro 2024 ne Gjermani)
  •Fituesi ka te drejte te zgjedhe nje person qe do ta shoqeroje dhe ne total Neptun do te dhuroje 24 paketa turistike.
  •Nje pakete turistike per nje person do te kushtoje 1.350 EURO (me TVSH) Ne total te gjithe cmimet do te kushtojne 32.400 EURO (me TVSH)

• 2. Fituesit do të zgjidhen për secilin çmim në bazë të renditjes rastësore që do të gjenerojë zgjidhja softwarike që do të përdoret për hedhjen e shorteut.
• 3. Me shpalljen ,fituesit kane te drejte te zgjedhin menjehere brenda 24 oresh nje person qe do ti shoqeroje duke njoftuar Neptun si edhe duke vendosur ne dispozicion mjetet e identifikimit ne menyre qe te mund te rezervohet paketa turistike ne menyren dhe kohen e duhur.
• 4. Në total Neptun do të ofrojë 24 cmime përgjatë gjithë kohëzgjajtes së kësaj Loje Promocionale.
• 5. Çmimet e Lojës së Fatit Promocionale janë të patransferueshme pavarësisht cdo rrethane apo situate.
• 6. Neptun mund të refuzojë dhënien e cmimit/cmimeve në rast se ajo konstaton se nuk janë respektuar kushtet e kësaj Rregulloreje, apo në rast se fituesit rezultojnë të tillë si rezultat i ndonjë parregullsie apo mashtrimi.

Neni 7

NJOFTIMI I FITUESVE DHE TËRHEQJA E ÇMIMIT

• 1. Brenda 2 ditëve pune nga gjenerimi i listës rastësore të fituesve nga platforma e përdorur për hedhjen e shorteut, numrat e telefonit fitues do të lajmërohen me anë të një telefonate ku do të informohen që janë fitues të Lojës Promocionale “Hajde ne Euro 2024”. Fituesit do të kontaktohen edhe me telefon nga agjentët e call center të Neptun ku do të kërkohen edhe detajet identifikuese si edhe fatura e blerjes ne Neptun. Fituesi do te kontaktohet te pakten tre (3) here me telefon dhe ne rast se nuk pergjigjet do te procedohet me nje numer tjeter fitues si zevendesues.
• 2. Për të tërhequr çmimin, fituesit duhet të paraqiten në zyrat qëndrore të Neptun me adresë: Selia Brunes Space, Rruga Nacionale Tiranë-Elbasan, Përballë Qendrës Tregtare TEG, Lundër, Shqiperi. Në momentin e paraqitjes për tërheqjen e cmimit, fituesit do t’ju kërkohet të japin të dhënat e tyre të cilat janë: Emër, Atësi, Mbiemër, Datëlindje, kopje e kartës së identitetit dhe/ose i pasaportës si dhe adresa e banimit. Fituesi duhet të ketë me vete edhe numrin e telefonit si edhe faturen e blerjes ne Neptun.
• 3. Nëse fituesi nuk paraqitet për të tërhequr cmimin brenda dy (2) ditëve nga momenti i njoftimit, Neptun do të kontaktojë fituesin nëpërmjet telefonit për ti rikujtuar cmimin që ka fituar nga Loja Promocionale. Nëse fituesi nuk paraqitet diten e njoftimit apo nuk pergjigjet do te procedohet me nje numer tjeter fitues si zevendesues.

Neni 8

TË DHËNAT E PJESËMARRËSVE

• 1. Cdo pjesëmarrës në këtë Lojë Fati Promocionale pranon shprehimisht se Neptun mund të përpunojë të dhënat e tyre personale, të kërkuara sipas kësaj Rregulloreje, për qëllime të kësaj Loje Fati Promocionale dhe për cdo qëllim tjetër të ligjshëm të Neptun në përputhje me parashikimet e ligjit nr. 9887/2008, “Per Mbrojtjen e të Dhënave Personale”, i ndryshuar. Të gjitha të dhënat personale lidhur me fituesit dhe të dhënat për mënyrën e organizimit të Lojës së Fatit Promocionale do të ruhen për një periudhe jo më pak se 6 vjet sipas kërkesave të VKM nr. 168/2017.

Neni 9

TAKSA DHE TATIMET

• 1. Fituesi nuk do të jetë subjekt detyrimesh, tarifash apo garancish që kanë lidhje të drejtpërdrejtë me çmimin përvec atyre të cilat mund të kerkohen detyrimisht për fituesin nga legjislacioni në fuqi në Republikën e Shqipërisë.

Neni 10

PUBLICITETI

• 1. Komunikimi i Lojës Promocionale do të bëhet nëpërmjet një spoti televiziv, reklamimit ne radio, reklamimit ne gazeta, reklamimit me banera në qytet dhe reklamime në faqe interneti. Gjithashtu per këtë qëllim do të ketë deklarata për shtyp dhe artikuj të ngjashëm.
• 2. Me pranimin e cmimit, fituesit kanë dhënë miratimin që emri dhe imazhi i tyre të publikohet në faqen zyrtare të internetit të Neptun Shqiper www.neptun.al dhe në faqet zyrtare që Neptun ka në rrjetet sociale si Facebook, Instagram, Linkedin. Gjithashtu fituesit i japin Neptun të drejta të plota lidhur më përdorimin e të drejtave të imazhit të tyre në fotografitë, videot (ose cdo version të tyre që ka prezencën e tyre) të cilat do të shfaqen në publik në kuadrin e fushatave promocionale aktuale apo të ardhshme të Neptun sh.p.k.

Neni 11

FORCA MADHORE

• 1. Loja Promocionale mund të ndërpritet vetëm në rastin e rrethanave per të cilat Neptun nuk është përgjegjëse, dmth., që nuk mund parandalohen, riparohen apo shmangen dhe në rast të ndonjë urdhërimi sipas ligjeve në fuqi nga autoritetet shtetërore. Njoftimi për ndërprerjen edhe cdo njoftim tjetër i rëndësishëm në lidhje me Lojën e Fatit Promocionale, do të publikohet në http://www.neptun.al .

Neni 12

ZGJIDHJA E MOSMARRËVESHJEVE

• 1. Me pjesëmarrjen në këtë Lojë Promocionale pajtimtarët Neptun kanë dhënë miratimin e tyre duke pranuar automatikisht rregullat dhe mekanizmin e Lojës Promocionale. Në rast të kërkesave të klientëve për të mos u përfshirë në këtë Lojë Promocionale, Neptun sh.p.k nuk do t’i përfshijë ata në shorteun që do të hidhet për shpalljen e fituesve. Në rast mosmarreveshjesh, organi kompetent për zgjidhjen e tyre do të jetë Gjykata e Rrethit Gjyqësor Tiranë

Neni 13

TË NDRYSHME

• 1. Rregullorja e Lojes Promocionale do të publikohet edhe në faqen në internet të Neptun, www.neptun.al Informacioni mbi Lojën Promocionale mund të merret gjithashtu prej Shërbimit për Kujdesin e Klientit duke telefonuar në numrin +35544505050 për te gjithe klientët.
  
  Kjo Lojë Fati Promocionale organizohet sipas Autorizimit nr. 124 të Autoritetit të Mbikëqyrjes së Lojrave të Fatit. Tiranë,