Sony debuton me Vision-S SUV në CES 2022 si pjesë e divizionit të saj të ri të lëvizshmërisë!

Gjiganti i teknologjisë dëshiron të sjellë në jetë makinën e tij koncept.

Dy vjet pas debutimit të konceptit sedan Vision-S, Sony thotë se po mendon seriozizht ndërtimin e makinave. Në CES 2022, kompania njoftoi një divizion të ri - Sony Mobility - si dhe një koncept të ri SUV elektrik, Vision-S 02.

Vision-S 02 bazohet në mësimet e nxjerra nga sedani Vision-S 01, të cilin Sony në fakt filloi ta testonte në rrugë vitin e kaluar. Forma e tij e mprehtë dhe kompakte të kujton Tesla Model Y, dhe me gjatësi 490 cm, gjerësi 193 cm dhe  lartësi 165 cm, SUV-i Vision-S ka përafërsisht të njëjtën madhësi.

Sony thotë se Vision-S 02 fuqizohet nga një cift motorësh elektrikë, ku secili prodhon 200 kilovat, ose rreth 268 kuaj fuqi. SUV udhëton në rrota 50 cm dhe thuhet se peshon 2,480 kg. Sa i përket madhësisë së baterisë ose diapazonit të vlerësuar, këto shifra janë për tu vendosur në të ardhmen.

Në brendësi, Sony thotë se SUV Vision-S në varësi të përshtatjes së ndenjëseve, në të mund të udhëtojnë katër ose shtatë pasagjerë. Duke pasur parasysh madhësinë kompakte, ne nuk mund të imagjinojmë që rreshti i tretë do të ofrojë një udhëtim komod, por përsëri, ky është vetëm një koncept. Vision-S 02 SUV ka të njëjtin ekran me gjerësi të plotë që pamë për herë të parë në sedanin Vision-S 01, me tre ekrane të integruara në kabinë. Pasagjerët e sediljeve të pasme gjithashtu mund të përdorin ekranet multimediale. 

Kur Sony zbuloi Vision-S 01 në CES 2020, kompania tha se po punonte me Magna-Steyr në Austri për t'u siguruar që sedani ishte i përshtatshëm për rrugë. A do të përfshihet Magna me divizionin e ri të Sony Mobility? Kjo pjesë është e paqartë. Gjithçka që dimë është se një makinë Sony mund të dalë në rrugë më shpejt nga sa mendonim fillimisht.