Biskota për Halloween me mbushje çokollate

Atmosfera e Halloween ka filluar të ndihet shumë edhe në vendin tonë në vitet e fundit. Në çdo fund tetori kungulli dhe aksesorët e frikshëm dekorojnë shtëpitë tona dhe kthehen në një mënyrë argëtimi për fëmijë e të rritur.

Nëse doni të përqafoni edhe ju këtë atmosferë, një zgjidhje e mirë do ishte përgatitja e disa biskotave të thjeshta në formë kungulli të mbushura me krem çokollate.

Përbërësit përgatitjen e këtyre biskotave të thjeshta janë si më poshtë (masa është për 24-25 biskota dopio me diametër 6cm):

Për brumin e biskotave:

200gr. gjalpë i zbutur
100gr. sheqer pluhur
400 gr. miell për çdo përdorim
1 lugë çaji pluhur për pjekje
1 pako e vogel vanilje
2 vezë mesatare

Për mbushjen:

100 gr. çokollatë
125 gr. Pana për ëmbëlsira

Përgatitja:

Peshojmë përbërësit tanë në një peshore elektronike preçize dhe i vendosim të gjithë së bashku (përveç vezëve) në enën e mikserit. Fillojmë përziejmë përbërësit derisa të përftojmë një masë si me thërrime.

Shtojmë vezën e parë dhe më pas të dytën. Pasi janë homogjenizuar në brumë, ndalim mikserin dhe e punojmë pak me dorë në banak. E mbështjellim me letër plastike dhe e lemë të pushojë për 15 minuta në frigorifer. Më pas e nxjerrim dhe e ndajmë në 4 pjesë.

Ngrohim furrën në 180 ⁰C. Vendosim një letër kushine dhe e hapim brumin me trashësi 3 mm me ndihmën e një petësi. E presim me ndihmën e një forme të posaçme në formë kungulli ( nëse nuk kemi mund ti presim me majën e një thike) dhe i kalojmë biskotat në një tavë të cekët të veshur me letër furre.

I pjekim në furrën e nxehur më parë për 20 minuta, derisa të marrin një ngjyrë të artë të lehtë, jo shumë të kuqërremtë.

Ndërkohë që biskotat piqen përgatisim kremin. Rrahim panën me mikser deri sa të trashet dhe shkrijmë çokollatën në banjomari. Kur çokollata të jetë e vakët, shtojmë kremin e rrahur dhe e lëmë në frigorifer.

Heqim biskotat nga furra dhe i lëmë të ftohen plotësisht. Vendosim kremin me çokollatë në qendër për gjysmat e biskotave. Mbulojini me biskotat e mbetura dhe shtypini lehtë që të ngjiten. I lëmë të qëndrojnë në një tepsi derisa mbushja të stabilizohet plotësisht.

T’ju bëjnë mire!

Për të përgatitur këtë recetë shpejtë dhe thjeshtë ju vijnë në ndihmë pajisjet e vogla elektroshtëpiake që i gjeni në Neptun

Si t’a transformoni shtëpinë tuaj në një strehëz të ëmbël dhe të sigurt në këto stinë?

Në Shqipëri moti mund të jetë i mirë në shumicën e muajve të vitit, por vera ka ikur tashmë dhe aromat e para të vjeshtës kanë filluar. Ky sezon është një periudhë kalimtare për të gjithë ne! Jemi kthyer nga pushimet dhe dalëngadalë po i kthehemi detyrimeve dhe zakoneve tona të përditshme. Lëmë pas momentet e pakujdesshme dhe të relaksuara të plazhit dhe kthehemi energjik në punë, duke vendosur synime të reja dhe duke organizuar më mirë jetën tonë të përditshme.

Shtatori është muaji i rikthimit në shkollë dhe miqtë tanë të vegjël tashmë janë në proçes përgatitjeje. Laptopët, tabletët dhe pajisjet inteligjente po shfaqen sërish nga sirtarët e zyrës. Dita ngadalë po shkurtohet dhe ne fillojmë të kalojmë më shumë orë në shtëpi.

Pra, tani është koha e duhur për të sistemuar jo veç veten por edhe shtëpinë tone të ëmbël! Për këtë më poshtë kemi mbledhur këshillat më të dobishme, për të përgatitur siç duhet shtëpinë tuaj për vjeshtën dhe ditët e ftohta të dimrit që do të vijnë së shpejti…

Kujdesuni për ngrohjen e shtëpisë tuaj

Nëse keni një oxhak, pastroni oxhakun dhe riparoni çdo dëmtim që mund të jetë shkaktuar nga përdorimi i shpeshtë. Për ta bërë radiatorin tuaj të funksionojë më mirë, kujdesuni për mirëmbajtjen dhe rregullimin e djegësit përpara se të fillojë ftohja e parë. Nëse vazhdoni të përdorni kondicioner për ngrohjen e shtëpisë tuaj, kujdesuni për mirëmbajtjen e tij në kohë duke caktuar një takim me një teknik të specializuar për të evituar të papriturat.

Bëni një pastrim të mirë

Askush nuk e pëlqen “të shkundësh shtëpinë nga themelet”, por një pastrim i mirë sigurisht që do t'ju shpërblejë. Në verë, siç është e natyrshme, mendja na shkon drejt vendeve të largëta dhe ëndërrimtare dhe pothuajse gjithmonë e neglizhojmë shtëpinë tonë. Ndaj filloni nga ballkoni, pastroni dritaret dhe grilat dhe ruani mobiljet dhe dekorimet verore në magazinë, për të mos u prishur nga reshjet e para të vjeshtës.

Më shumë hapësirë në dollapët tuaj

Kaloni disa orë nga koha juaj e çmuar për të lënë vend në dollapët e shtëpisë. Filloni duke zëvendësuar veshjet lino dhe të pambukta të verës me pulovrat e buta vjeshtake plot ngjyra dehëse dhe gjumë-ndjellëse. Kështu nuk keni pse të irritoheni kur të jeni duke vrapuar për në punë dhe trikoja që ju duhet është në fund të pirgut me rroba. Mos harroni të jepni rrobat që nuk ju nevojiten njerëzve që kanë nevojë për to. Në çdo kohë ka vende ku mund të jepni rrobat që nuk i vishni më dhe ato do jenë arsyeja e buzëqeshjes për dike tjete tjetër.

Pastroni sifonet dhe ulluqet

Hiqni gjethet dhe mbeturinat e tjera nga tubi i kanalizimeve dhe ulluqet e shtëpisë tuaj për të shmangur bllokimet e mundshme. Sigurohuni që t'i kontrolloni rregullisht, veçanërisht në këtë kohë kur shumë gjethe kanë filluar të bien.

Koha për lyerje dhe riparime të vogla

Tani që moti është ende i mirë, është koha më e përshtatshme për të lyer shtëpinë ose për të bërë riparime të ndryshme që i keni shtyrë prej kaq kohësh. Pikturimi, përveç freskisë shtesë që i jep shtëpisë sonë, rinovon hapësirën dhe ndryshon humorin tonë.

Kontrolloni për çarje ose rrjedhje në dritaret dhe dyert e shtëpisë tuaj dhe bëni riparimet e duhura për ta mbajtur shtëpinë tuaj të ngrohtë. Riparoni çdo pikë izolimi që ka problem dhe shmangni lagështinë në shtëpinë tuaj. Një zgjidhje shumë e zgjuar për të larguar lagështinë e shtëpisë tuaj është një dehumidifikues, i cili përmirëson ndjesinë e temperaturës në hapësirën tuaj, duke e bërë ambientin e shtëpisë tuaj më të këndshëm dhe komod.

Bëjeni shtëpinë tuaj më të zgjuar

Tani përditshmëria juaj mund të bëhet edhe më e lehtë me pajisje të ndryshme “smart” në shtëpi, të cilat sigurojnë një jetë më cilësore për ju dhe familjen tuaj. Llambat inteligjente LED, sistemet inteligjente të sigurisë, detektorët e lëvizjes, kamerat e vëzhgimit, një qendër kontrolli që komunikon me këto pajisje, e bëjnë jetën tuaj në shtëpi më emocionuese, por edhe më të sigurt.

Pajisjet shtëpiake të teknologjisë më të fundit për shtëpinë vijnë në këtë sezon vjeshte plot me oferta në Neptun për tju ndihmuar dhe orientuar të zgjidhni atë që ju bën ta dashuroni më tepër strehën tuaj në këto ditë të ftohta që po trokasin.

Firmat më të njohura të elektroshtëpiakeve, produkteve të kujdesit personal, televizorëve, smartphonëve dhe më shumë janë gati për t’ju lehtësuar përditshmërinë falë punës së palodhur për novacion.

#hajde