25
Mar

Përse të gjithë duhet të kemi një multi cooker

629 Herë lexuar |

Multi cooker i referohet një paisje e cila pjek, skuq ose zien ushqimin pa nevojën e një plitke, pra gatim i shumëllojshëm në një pasje të vetme. Vetëm nga shpjegimi i emrit të paisjes kemi hequr gjysmën e enëve të kuzhinës. Le të shohim më poshtë 5 arsyet përse të gjithë duhet të kenë një multi cooker në shtëpi.

  • 3 në 1

 

Mund të gatuash orizin, të gatuash me presion ose me shpejtësi të reduktuar për ushqime të cilat kërkojnë më tepër kohë. Një multi cooker mund të krijojë gjithcka duke filluar këtu që nga keku i thjeshtë e deri te gjellët e ndryshme rizotot ose mishin vetëm me një buton.

 

  •  Një buton për të gjitha

 

Kjo paisje ofron mënyra të thjeshta të gatimit nëpërmjet një butoni të vetëm. Në këtë mënyrë mund të gatuani çdo gjë madje të prodhoni edhe kosin ose të bëni supën perfekte për drekën familjare. Sinqerisht nuk mund të bësh gabime kur gatuan me multi cooker, këstuqë është perfekte për të gjithë të cilët nuk ndihen shefa kuzhine, pasi thjesht hidhni ingredientët e nevojshëm sipas recetës në paisje dhe cdo gjë tjetër e bën ajo.

 

  •  Gatim i shpejtë dhe i shëndetshëm

 

Me ditët e mbingarkuara dhe aktivite, thjesht planifikimi i vakteve ndonjëherë është punë më vete dhe kur kthehemi në shtëpi zakonisht hasim vështirësi në darkën tonë duke u drejtuar te ushqimet e shpejta dhe aspak të shëndetshme. Multi cooker mund të përshpejtojë përgatitjen e një vakti e cila na jep mundësinë e gatimit të rizotos për të gjithë familjen në vetëm 15 minuta (sinqerisht më shumë kohë të ha sallata). Nëse keni dhe koshin për gatimin me avull mund të keni perimet perfekte çdo natë në tryezën tuaj. Në këtë mënyrë bëni zgjedhje të zgjuara dhe keni vakte të shëndetshmë në tryezë.

 

  • Porcione më të vogla

 

Duke qënë se paisjet multi cooker mund të gatuajnë për deri në 8 persona, pyetja që shtrohet është nëse mund të gatuajnë vetëm për një? Dhe pergjigja është po. Në multi cooker mund të gatuash cdo ushqim që dëshironi qoftë edhe për vetëm një person. Kjo është perfekte edhe për nënat me fëmijë të cilat duan një vakt më ndryshe për të vegjëlit e tyre.

 

  •  E thjeshtë për tu pastruar

 

Kush ka përdorur më përpara paisjet për gatim të ngadaltë e di shumë mirë se sa shumë punë duan për tu pastruar. Ndonjëherë stepemi në zgjedhjet e enëve të kuzhinës thjesht sepse duan shumë punë në pastrimin e tyre, por një multi cooker e ka enen e gatimit shumë të lehtë në peshë por edhe në pastrim. Në vetëm pak minuta cdo gjë është gati për tu përdorur sërisht.